الأب مجدي علاوي : ما النا ألا يسوع المسيح

المجد لله.
المسيح قام حقا قام ونحن شهود على ذلك.
بإسم الآب والإبن والروح القدس إله واحد آمين.
كل العالم اليوم عم تقول ليش في حروب؟ 
كل العالم خايفة وعم تسأل ليش الوباء ؟
ليش الوضع هيك؟
ليش الإقتصاد منهار؟
ليش هالظروف الصعبة؟ 
ليش كرامة الناس منهانة؟ 
خاصة بوطننا لبنان . 
كل العالم اليوم عم تطلب السلام ،
صارلنا ١٠٠ سنة  منجرب دولة ومنعمل إتفاقية هون وهونيك ،بس ما جربنا ولا مرة نطلب  إلآهنا يللي إجا تا يخدم مش تا ينخدم ،إلهنا يللي قلّنا" احبوا بعضكم بعضا كما انا احببتكم.""سمعتم انه قيل أحبب قريبك وابغض عدوك اما انا فأقول لكم  احبوا أعدائكم،باركوا لاعنيكم"
إله بعكس ملوك ومماليك العالم إجا يحكي عن السلام ويبشّر بالسلام.
شو بدنا نحنا بلبنان؟جربتوا كل دول العالم وكتار حكموا لبنان وكلن عندن مصالح بهالوطن،وشو عملوا بشعبه؟قسّموا ؟جزئوا ؟ وصرنا عبيد لآلن وبعدنا لليوم  كل فريق ،كل حزب بيشدّ لدولة....
بدكن الخلاص او الهلاك؟
بدكن خلاص لبنان الحل الوحيد هوي نروح عند حدا قادريخلص لبنان ، حدا قادر يعمل المستحيل ، حدا قادر يعمل المعجزات ....
ما إلنا إلا يسوع المسيح ، لكل المسؤولين،  لكل المواطنين ،  لكل المغتربين،لكل الأحزاب ،لكل الرؤساء ،ما إلكن إلا يسوع المسيح تسلّموا هالوطن.
وطننا المكرّس لقلب مريم العذراء
يللي بطلب منها  بعرس قانا الجليل إبنها يسوع حول الميّ لخمر بعد ما   قالت للخدم: "إفعلوا ما يأمركم به"
نعم لكل حكام ومسؤولي وأحزاب وسياسيي ،مواطني ومغتربي هالوطن "إفعلوا  ما يأمركم به"
إذا صايرلنا ملك قادر يحكم لبنان ويحلّ السلام في ويعطي الكرامة للإنسان  وتحلّ فيه  البحبوحة لي ما منروح لعنده ؟
هوي يللي قلنا : "اطلبوا اولا ملكوت السماوات وكل شيئ يزاد لكم "،
اناعارف حاجاتكن وشو بدكن
"أطلبوا تجدوا ،إسألوا تعطوا إقرعوا يفتح لكم ."
يسوع بيّنا وبحبّنا ووحده قادر يخلص لبنان وما في ولا دولة ولا سياسة قادرة تبني كرامة وطن ،وحده يسوع القايم من الموت قادر ينصر لبنان وشعبه.
المسيح قام حقا قام.
خادم  جمعية سعادة السماء  الأب مجدي العلاوي.